السلام عليكم
ازيكم إن شاء الله طيبين
بعد ما طلعت عينا بـ15 يوم من "القاعد ساي" أخيرا الليلة اخدنا أول محاضرة جراحة في كورس المواسير اللي اسمو GIT
الغريبة انك تخش الكورس و انت عارف انو الكورس ده ماسورة و ما بنتهي في اقل من 6 شهور و لا حاجة زي دي و بعد ده تدربس من عدم المحاضرات
ومن هنا نعرف ان تهيئة نفسك معنويا للماسورة ما يقلل من اذاها النفسي و المعنوي عليك
المهم.. ساكين موضوع زاير يجي من الخرطوم و "يكر" لينا مواضيع الجراحة بتاعة الكورس في 3 ولا 4 يوم و يخارجنا قبل الضحية من الموضوع ده
هو صحي دي حاجة زي الحلم لكن خلونا نحلم، هو الحلم بقروش؟؟
نشوف كمان ماسورة جديدة اسمها محاضرات الباطنية..
دي ماسورة جديدة لأنو الباطنية كانت ما فيها مشكلة بس الشمار يقول إنو مافي إلا د. بدرالدين عبدالرحمن الشغال حاليا و في 4 دفعات عايزة تشتغل فبي الوقت ده..
الليلة مستر محمد الحسن ما قصر معانا و كر لينا زي 4 مواضيع في محاضرة واحدة و قال بكرة عندكم جرعة تانية.. تحية لمستر محمد الحسن و نقول ليهو واصل جرعاتك الكبيرة دي..
اللجنة الاكاديمية بتاعة المكتب التنفيذي مشت لدكتور مريود وقال مااااااافي اي الطريقة الامتحان في زمنو يعني الامتحان في زمنو... يعني 11.2 و الله يستر
كان كدي اخير الزول يمش يقرا ساي